2017年10月13日 星期五

文嬸遊荷蘭之四

去完旅行半年都重寫緊遊記?無嘅,為自己留個記憶而已。文嬸荷蘭遊,離開Amsterdam之後,分別去咗羊角村、布魯塞爾、布魯日、鹿特丹,最後由Amsterdam離港。

揀去羊角村係因為看過另一博客「窮遊慢活」的介紹,覺得羊角村好似世外桃園,風景確實無得彈,不過我覺得day trip 足夠,不用選擇過夜,因為我下一站要去布魯塞爾,如果在阿姆斯特丹出發,有特快火車,兩小時內便到達,由於我做不夠資料搜集,揀了從羊角村去鹿特丹,再轉車去布魯塞爾,結果火車車程長咗一倍。

講番羊角村,地點的確有些偏遠,先要坐火車到steenwijk站下車,然後再轉搭70號巴士,我一個人怕找不到投宿的旅館,所以我就在BOOKING.COM上揀了一間在巴士沿線,門口有巴士站的旅館,呢個選擇,好處是旅館的確易搵,唔好處是距離遊客活動的熱點極遠,來回步程要兩小時。

羊角村 (Giethoorn) 是一個水鄉,水道兩旁是很多漂亮的小屋,蘆葦叢生,多數遊客會乘坐小木船穿梭寧靜的村落,邊走邊感受一片鳥語花香,村裏好像仍然有人務農,沿路見到綿羊,鷄鴨等各式動物。

雖然旅館和遊客中心都有單車租,但我的單車技術麻麻,平日只能踩鋁身的摺車,大型厚重的單車,我是擔心控制不了會仆街,所以只有選擇行路。

回程時在巴士站遇見兩個台灣文嬸,居然和我一樣,也是徒步行去遊客中心, 真是笨人自有相逢處。