2014年3月30日 星期日

假絕食,真餵奶

又是時候交第二期稅,繼續供血俾一個毁減香港的政府。日防夜防,家賊難防,政府No.1、No2都是用公帑爭奪下屆特首之位,民粹、舐共樣樣齊,旅客來港買嘢是恩客,年年交稅的市民卻是茂利,一句「未富先驕」掟過來;立法會內不論泛民定建制,一律是民粹主義,政治上沒有代言人的中產,才是真正的N無人士,無福利,無權利,亦無政治代理。終審法院判新移民居港一年可領綜援,民怨沸騰,但21個泛民聯署話認同法庭裁決,反指范國威等人歧視,好啦,到周一嶽話要修訂歧視條例,加入「個人來源地」及「入境年份」,呢班人當然無恥粒水!選民清楚表達放棄民主黨,但民主黨奶媽充耳不聞,連續兩日A1唔係絕食,而係餵奶,即是話中產要求換過班政治代理人,奶媽堅決唔俾,中產納稅人想爭取番少少發言權,點解咁難?

沒有留言:

張貼留言