2017年6月9日 星期五

文嬸獨自遊荷蘭之三

來到文嬸獨自遊荷蘭的第三日,是日是參觀 Keukenhof 公園舉行的鬱金香花展,行程本身好清楚,坐電車去中央火車站,去到機場站Schipho,然後坐Schipho-Keukenhof賞花專車Keukenhof Express 858 便到。但天生蝦碌的我,酒店買了巴士加入場券的套票,諗住先搭巴士去機場站Schipho,再搭Express 858,咁就可以搭少程車,結果我單是搵巴士站都搵咗成個鐘!

雖然咁遠水路,但我覺得這個花展絕對值得一去,難得咁啱四月在荷蘭,再有機會舊地重遊,也未必會在春天呀。

花展本身有點似維園花展那種,當然大好多,靚好多,人潮亦沒有這麼擠擁,所謂類似其實是指那些花都不是在原址種植,應該是花展前移植到 Keukenhof ,新鮮土種的鬱金香好靚、好挺拔,目測品種超過一百多種。

除了賞花外,草地上也有很多小食攤子,讓遊人野餐,重可以帶狗狗一齊去散步,氣氛歡愉又輕鬆,加上天氣繼續非常好,春遊好時節。

花,全部都係花!







沒有留言:

張貼留言